Restaureringshandverkar – kulturvernforvaltar

Stiftinga Geirangerfjorden Verdsarv søkjer deg med erfaring innan restaurering, istandsetjing og kulturvern – eller relevant fagbakgrunn og sterk interesse for fagfeltet. Gjerne fagbrev/utdanning innan bygningsvern. Er du fersk i faget, kan du òg vere aktuell, og vidareutdanning/kompetanseheving kan vere mogleg. Du vil arbeide sjølvstendig, men òg i samarbeid med andre.

Tilpassingar etter kompetanse og ferdigheiter. Ivaretaking av verdsarvverdiane står i sentrum. På sikt vil du få ansvar for fagområdet. Arbeidsoppgåver Utøvande restaureringsarbeid Tilsyn med bygg og anlegg Rådgjeving til grunneigarar Prosjektleiing og rapportering knytt til bevaring av kulturmiljø og kulturlandskap Initiere tiltak og bidra i tilskotssøknader Arbeid med planverk og formidling knytt til fagfeltet Dette er ei prosjektstilling, men vi arbeider for fast stilling.

Førarkort kl. B er naudsynt. Løn etter avtale. Informasjon og søknad Kontaktperson er formidlingsleiar Merete Løvoll Rønneberg, tlf. 99 37 65 85. Søknadsfrist er 20. mars 2026.