Nant Gwrtheyrn jobs and careers

About Nant Gwrtheyrn

Mae Nant Gwrtheyrn yn ymddiriedolaeth elusennol sy’n cynnal ac yn datblygu pentref Nant Gwrtheyrn fel prif ganolfan breswyl i ddysgu’r Gymraeg yng Nghymru, gan gynnig profiadau trochi unigryw sy’n plethu iaith â llenyddiaeth, diwylliant, hanes a natur. Ei phwrpas elusennol yw hyrwyddo addysg a chynyddu addysg y cyhoedd am yr iaith Gymraeg a’i diwylliant. Mae’r weledigaeth yn canolbwyntio ar ehangu’r cynnig i ddysgwyr, y gymuned leol ac ymwelwyr, gan sicrhau bod pob profiad yn y Nant yn ysbrydoledig ac yn trawsnewid bywydau. I wireddu hyn, mae’r strategaeth yn cynnwys pum maes sy’n gorgyffwrdd—Dysgu, Darganfod Treftadaeth, Incwm Masnachol, Profiad Ymwelwyr a Chynaliadwyedd—gyda “Pobol a Gweithle” wrth wraidd y gwaith. Yn ogystal â’i rôl fel canolfan ddysgu, mae Nant Gwrtheyrn hefyd yn lleoliad unigryw ar gyfer priodasau, yn cynnig llety o safon mewn amgylchedd trawiadol ar arfordir Llŷn, ac yn darparu cyfleusterau ar gyfer cynadleddau, cyfarfodydd a digwyddiadau. Trwy’r cynnig ehangach hwn, mae’r Nant yn croesawu ymwelwyr o bob cefndir i brofi’r lle, yr iaith a’r diwylliant mewn ffordd gofiadwy.