30 open roles
ᐃᒡᓗᓂᒃ ᐋᖅᑭᐅᒪᑎᑦᓯᓕᕆᔨ
Job description
ᐃᖃᓗᖕᓂ ᓄᓇᓕᐸᐅᔭᒃᑯᑦ ᕿᓂᕐᒪᑕ ᐊᔪᙱᑦᑐᒥᒃ ᐱᓕᕆᖃᑦᑕᖅᓯᒪᓂᑰᔪᒥᒡᓗ ᐃᓄᖕᒥᒃ ᐃᓚᐅᓂᐊᖅᑐᒥᒃ ᐱᕈᖅᐸᓪᓕᐊᔪᓄᑦ ᐱᓕᕆᖃᑎᒌᓄᑦ ᓄᓇᓕᐸᐅᔭᕐᒧᓪᓗ ᐃᒡᓗᓂᒃ ᐋᖅᑭᐅᒪᑎᑦᓯᔨᒻᒪᕆᖕᒧᑦ . ᑕᐃᒎᓯᐊ : ᐃᒡᓗᓂᒃ ᐋᖅᑭᐅᒪᑎᑦᓯᓕᕆᔨ ᐱᓕᕆᕝᕕᒃ : ᓴᓇᔪᓕᕆᔨᒃᑯᑦ ᖃᓄᐃᓕᖓᓂᖓ : ᐅᓪᓗᓕᒫᖅ , ᐃᖅᑲᓇᐃᔮᖃᐃᓐᓇᕐᓂᖅ ᑮᓇᐅᔾᔭᒃᓵᖅ : $31.61 ᐃᑲᕐᕋᒧᑦ , 35− ᓄᑦ ᐃᑲᕐᕋᓄᑦ / ᐱᓇᓱᐊᕈᓯᕐᒥ ᓅᓯᒪᔪᓄᑦ ᐃᑲᔫᑎᑦ : $20,907.43 ᐊᕐᕌᒍᒧᑦ ᑲᑐᔾᔨᖃᑎᒌᓄᑦ ᖃᓄᐃᓕᖓᓂᖓ : ᑲᑐᔾᔨᖃᑎᒌᓄᑦ ᐃᓚᒋᔭᐅᔪᖅ ᐃᒡᓗᖃᖅᑎᑕᐅᓂᖅ : ᐃᖅᑲᓇᐃᔭᖅᑎᐅᓂᕐᒧᑦ ᐃᒡᓗᖃᖅᑎᑕᐅᓂᖅ ᒪᓂᒪᑎᑕᐅᙱᓚᖅ ᐊᖓᔪᖅᑳᖃᕐᓗᓂ ᐃᒡᓗᕐᔪᐊᓄᑦ ᐊᐅᓚᑦᑎᔨᒥᑦ , ᐃᒡᓗᓂᒃ ᐋᖅᑭᐅᒪᑎᑦᓯᓕᕆᔨ ᐋᖅᑭᐅᒪᑎᑦᓯᖃᑦᑕᕐᓂᐊᖅᐳᖅ ᐋᖅᑭᐅᒪᑎᑦᓯᕆᕙᒡᓗᓂᓗ ᐱᔨᑦᑎᕋᐅᑎᓂᒃ ᐃᒡᓗᕐᔪᐊᓄᑦ ᓇᖕᒥᓂᕆᔭᐅᔪᓄᑦ ᐃᖃᓗᖕᓂ ᓄᓇᓕᐸᐅᔭᒃᑯᓐᓄᑦ , ᐃᓚᒋᔭᐅᓗᑎᒃ ᓯᐊᕐᕆᔮᕐᕖᑦ , ᓄᓇᓕᐸᐅᔭᒃᑯᑦ ᐱᙳᐊᕐᕕᖓ , ᐳᐃᔾᔪᕋᕐᕕᒃ , ᒪᒃᑯᒃᑐᒃᑯᕕᒃ , ᑰᓕᒡᕕᒃ , ᐊᐃᑉ ᐅᒃᐱᒃ ᐱᙳᐊᕐᕕᒃ , ᓄᓇᓯᐅᑎᖃᕐᕕᒃ , ᓄᓇᓕᐸᐅᔭᒃᑯᑦ ᐃᒡᓗᖁᑎᖏᑦ , ᖃᑦᑎᕆᕝᕕᒃ , ᓴᓇᔪᓕᕆᔨᒃᑯᑦ ᐃᒡᓗᖁᑎᖏᑦ , ᐊᓯᖏᓪᓗ ᓄᓇᓕᐸᐅᔭᒃᑯᑦ ᐃᒡᓗᖁᑎᖏᑦ ᐃᒡᓗᖁᑎᖏᓪᓘᓐᓃᑦ ᐊᔾᔨᒌᙱᑦᑐᓂ ᐃᓂᒋᔭᐅᔪᓂ .
ᐱᓕᕆᐊᒃᓴᖏᑦ ᐃᓚᖃᖅᐳᑦ ᓴᓇᓂᕐᒥᒃ ᐊᑐᖅᑕᐅᔭᕆᐊᓕᖕᓂᒃ ᐱᖁᑎᓂᒃ ᓲᕐᓗ ᒪᔪᕋᐅᑎᓂᒃ , ᐱᑐᐃᓐᓇᐅᙱᑦᑐᓂᒃ ᐃᒡᓗᒥᐅᑕᓂᒃ , ᐊᓯᖏᓐᓂᒡᓗ ᐱᖁᑎᓂᒃ ; ᓴᓇᕙᒡᓗᓂ ᑲᒪᒋᔭᖃᖅᐸᒡᓗᓂᓗ ᕿᔪᖕᓂᒃ ᓴᓇᓯᒪᔪᓂᒃ , ᖁᓕᕈᐊᓂᒃ , ᓇᑎᕐᓂᒃ , ᑭᐳᓂᒃ , ᐃᒃᓯᕙᐅᑕᓂᒃ , ᐊᔾᔨᑲᓴᖏᓐᓂᒡᓗ ᐱᖁᑎᓂᒃ ; ᓄᑖᙳᕆᐊᖅᑎᑦᓯᕙᒡᓗᓂ ᑕᐃᒪᐃᑦᑕᕆᐊᖃᕌᖓᑦ ; ᓴᓇᓂᕐᒥᑦ ᐊᒻᒪᓗ ᐃᓕᐅᖅᑲᐃᓂᕐᒥᑦ ᒪᒃᐱᖅᑕᖅᑐᓂᑦ , ᐅᖃᓕᒫᒐᖃᕐᕕᓐᓂᑦ , ᐊᒻᒪᓗ ᓂᐱᑦᑕᐅᑎᓂᑦ ; ᐊᒻᒪ ᐃᒡᓗᒥᐅᑕᓂᒃ ᐋᖅᑭᒃᓱᐃᕙᒡᓗᓂ . ᐃᒡᓗᓂᒃ ᓱᕋᒃᓯᒪᔪᓕᕆᔨ ᐱᕙᒌᔭᐃᖃᑦᑕᕐᓂᐊᕆᕗᖅ , ᐊᒥᐊᕆᕙᒡᓗᓂ , ᐱᐅᓴᐃᕙᒡᓗᓂᓗ ᐃᒡᓘᑉ ᐃᓗᐊᓂ ᓯᓚᑎᖏᓐᓂᒡᓗ ᑕᐃᒪᐃᑦᑕᕆᐊᖃᕌᒐᒥ , ᒥᑭᑦᑐᓂᒃ ᐃᒡᓗᓕᐅᖅᐸᒡᓗᓂ ᐱᓕᕆᕙᒡᓗᓂ , ᐊᓯᖏᓐᓂᒡᓗ ᐊᒃᑐᐊᓂᓕᖕᓂᒃ ᐱᓕᕆᐊᒃᓴᓂᒃ ᑲᒪᒋᔭᖃᖅᐸᒡᓗᓂ , ᐃᓚᒋᔭᐅᓗᑎᒃ ᐱᕐᔪᐊᖑᙱᑦᑐᑦ ᐱᓕᕆᐊᒃᓴᑦ ᐊᓯᖏᓐᓂᒃ ᓴᓇᔪᓕᕆᓂᕐᒥᒃ ᓇᓗᓇᐃᒃᑯᑕᖅᑖᕆᐊᖃᙱᑦᑐᓂᒃ ᐃᓄᖕᒧᓪᓗ ᐊᔪᙱᓐᓂᕆᔭᐅᔪᓂᒃ .
ᐊᒻᒪᓗᒃᑲᓐᓂᖅᑕᐅᖅ , ᑖᓐᓇ ᐃᖅᑲᓇᐃᔮᖅ ᐃᓚᖃᖅᐸᒃᐳᖅ ᐊᐅᓚᑦᓯᓂᕐᒥᒃ ᑲᒪᒋᔭᖃᕐᓂᕐᒥᒡᓗ ᕿᔪᓕᕆᓂᕐᒧᑦ ᓴᓇᕐᕈᑎᓂᒃ ᐱᖁᑎᓂᒡᓗ . ᐊᔪᙱᑕᕆᐊᖃᕐᒥᔭᖏᑦ : ᖁᕝᕙᓯᖕᓂᓕᖕᒥᑦ 12- ᒥᑦ ᐃᓱᓕᑦᓯᓯᒪᓗᓂ ᐊᔾᔨᐸᓗᐊᓂᒡᓘᓐᓃᑦ ; ᓴᓇᔨᒻᒪᕆᒃ ᕿᔪᓕᕆᔨ ᐱᔪᒥᒋᔭᐅᔪᖅ . ᖃᐅᔨᒪᓂᖃᕐᓗᓂ ᐱᓕᕆᖃᑦᑕᖅᓯᒪᓂᑰᓗᓂᓗ ᕿᔪᓕᕆᓂᕐᒥᒃ , ᐃᒡᓗᕐᔪᐊᓂᒃ ᑲᒪᒋᔭᖃᖅᐸᖕᓂᕐᒥᒃ , ᒥᑭᑦᑐᓂᒡᓗ ᓱᕋᒃᓯᒪᔪᓕᕆᕙᖕᓂᕐᒥᒃ . ᖃᐅᔨᒪᓂᖃᕐᓗᓂ ᐱᓕᕆᖃᑦᑕᖅᓯᒪᓂᑰᓗᓂᓗ ᐊᑦᑕᕐᓇᙱᑦᑐᒃᑯᑦ ᐊᑐᕐᓂᕐᒥᒃ ᐊᒡᒐᓂᒃ ᑲᑉᐳᔾᔭᖅᑐᒨᖅᑐᓂᒡᓗ ᓴᓇᕐᕈᑎᓂᒃ .
ᖃᐅᔨᒪᓗᓂ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒥᒃ ᐊᒻᒪ ᐊᑦᑕᕐᓇᙱᑦᑐᒃᑯᑦ ᑭᕕᒃᓯᔪᓐᓇᕐᓂᕐᒥᒃ ᐊᒻᒪ ᑲᒪᒋᔭᖃᕈᓐᓇᕐᓂᕐᒥᒃ . ᐊᔪᙱᓐᓂᖃᕐᓗᓂ ᐊᐅᓚᑦᑎᔪᓐᓇᕐᓂᕐᒥᒃ ᐱᔭᐅᔭᕆᐊᓕᖕᓂᒃ ᐱᖁᑎᓂᒃ ᐊᑦᑕᕐᓇᙱᑦᑐᒃᑯᑦ ᑲᒪᒋᔭᖃᑦᓯᐊᕐᓂᕐᒥᒡᓗ . ᐊᔪᙱᓪᓗᓂ ᐃᑲᔪᖅᑕᐅᔭᕆᐊᓕᖕᓂᒃ ᐱᔨᑦᑎᕋᕐᓂᕐᒥᒃ ᐊᒻᒪ ᑭᒃᑯᑐᐃᓐᓇᓂᒃ ᐱᓕᕆᖃᑎᖃᕈᓐᓇᕐᓂᕐᒥᒃ . ᐱᕕᒃᓴᒥᒃ ᐊᐅᓚᑦᑎᔪᓐᓇᑦᓯᐊᕐᓗᓂ ᐊᑕᐅᓯᐅᙱᑦᑐᒥᒃ ᐱᓕᕆᐊᖃᕈᓐᓇᕐᓗᓂ ᐊᒻᒪ ᓯᕗᓪᓕᐅᑎᔭᕆᐊᓕᖕᓂᒃ . ᐋᓐᓂᖅᑐᓕᕆᓂᕐᒧᑦ ᐊᓂᖅᓵᖅᑎᑦᓯᓇᓱᐊᒍᓐᓇᕐᓂᕐᒧᓪᓗ ᓇᓗᓇᐃᒃᑯᑕᖃᕐᓗᓂ .
ᓈᓴᐅᓯᕆᔪᓐᓇᑦᓯᐊᕐᓗᓂ ᖃᐅᔨᓴᕈᓐᓇᑦᓯᐊᕐᓗᓂᓗ . ᐊᖁᑦᑐᓐᓇᐅᑎᖃᕆᐊᓕᒃ ᓈᓴᐅᑎᓕᖕᒥᑦ 5− ᒥᑦ . ᐱᔪᒥᓇᓛᖑᓇᔭᖅᑐᖅ ᑕᑎᒋᔭᐅᔪᓐᓇᕆᐊᓕᒃ ᑭᖑᕙᖅᐸᙱᓪᓗᓂᓗ , ᐃᓄᑑᓗᓂ ᐃᖅᑲᓇᐃᔭᕈᓐᓇᕐᓗᓂ ᐅᕝᕙᓘᓐᓃᑦ ᐱᓕᕆᖃᑎᒌᒃᑐᓄᑦ , ᐊᒻᒪ ᓯᓚᒥ ᓂᒡᓚᓱᒃᑐᐊᓗᖕᒥ ᐃᖅᑲᓇᐃᔭᕈᓐᓇᕐᓗᓂ . ᒪᓕᒍᓐᓇᕆᐊᖃᖅᐳᑦ ᖃᓄᐃᓕᐅᖁᔭᐅᔪᓂᒃ , ᐱᓕᕆᐊᒃᓴᓂᒃ ᑲᔪᓯᑎᑦᓯᔪᓐᓇᕐᓗᑎᒃ ᐊᑦᑕᕐᓇᙱᑦᑐᒃᑯᑦ ᑲᔪᓯᓂᖃᑦᓯᐊᖅᑐᒃᑯᓪᓗ , ᐃᖅᑲᓇᐃᔭᕈᓐᓇᕐᓗᑎᒡᓗ ᐱᕕᒃᓴᒥᒃ ᐊᒃᓱᕈᕐᓇᖅᓯᔪᓂᒃ . ᐊᑭᓕᖅᓱᖅᑕᐅᔾᔪᑎᖓ ᑖᔅᓱᒧᖓ ᐃᖅᑲᓇᐃᔮᒧᑦ ᒪᓕᖕᓂᐊᖅᐳᖅ ᐊᔪᙱᓐᓂᕆᔭᕐᓄᑦ ᐱᓕᕆᖃᑦᑕᖅᓯᒪᔭᕐᓄᓪᓗ .
ᐊᒻᒪᓗᒃᑲᓐᓂᖅᑕᐅᖅ , ᐃᖃᓗᖕᓂ ᓄᓇᓕᐸᐅᔭᒃᑯᑦ ᒪᓂᒪᑎᑦᓯᕙᒃᐳᑦ ᐱᐅᔪᒻᒪᕆᖕᓂᒃ ᐱᕚᓪᓕᕈᑕᐅᕙᒃᑐᓂᒃ ᑲᑎᖅᓱᖅᓯᒪᔪᓂᒃ . ᐃᓕᓐᓂᐊᖅᓯᒪᓂᖓ , ᖃᐅᔨᒪᓂᖓ , ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓪᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ . ᐃᓘᓐᓇᑎᒃ ᐊᒃᑐᐊᓂᓖᑦ ᓇᓗᓇᐃᒃᑯᑕᐃᑦ ᐱᑎᑕᐅᔭᕆᐊᖃᖅᐳᑦ ᐱᓇᔪᒃᑎᓪᓗᒋᑦ . ᑲᔪᓯᓂᖃᑦᓯᐊᖅᑐᖅ ᐱᓇᔪᒃᓯᒪᔪᖅ ᑐᓂᓯᔭᕆᐊᖃᕐᓂᐊᖅᐳᖅ ᐱᕋᔭᖕᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔾᔪᑎᒥᒃ ᓈᒻᒪᒋᔭᐅᔪᒥᒡᓗ ᐊᖁᑦᑐᓐᓇᕐᓂᕐᒧᑦ ᑎᑎᕋᖅᓯᒪᔪᓂᒃ .
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᑲᔪᖅᑐᐃᕗᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᐅᑉ ᐱᔾᔪᑎᒋᔭᖓᓂᒃ ᐊᒻᒪ ᑐᙵᕕᖏᓐᓂᒃ . ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ ; ᐆᒃᑐᖅᑐᑦ ᓇᓗᓇᐃᖅᓯᑦᓯᐊᕆᐊᓖᑦ ᐃᓚᐅᔪᓐᓇᕐᓂᕐᒥᓂᒃ ᐃᓱᒪᒋᔭᐅᓂᐊᕐᓗᑎᒃ ᑖᔅᓱᒪ ᐊᖏᕈᑎᐅᑉ ᐊᑖᒍᑦ . ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ .
Description copied from City of Iqaluit's careers page. Read the full posting before you apply.
More jobs at City of Iqaluit
Inventory Services and Control Manager
City of Iqaluit· Iqaluit, NU, CanadaPréposé(e) à l’entretien des bâtiments
City of Iqaluit· Iqaluit, NU, CanadaGestionnaire, gestion et contrôle des stocks
City of Iqaluit· Iqaluit, NU, Canadaᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐱᔨᖅᑎᕋᖅᑏᑦ ᐊᒻᒪ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨ
City of Iqaluit· Iqaluit, NU, CanadaBuilding Maintainer
City of Iqaluit· Iqaluit, NU, Canada
More jobs in Iqaluit
Collection Officer - Inuktitut/Inuinnaqtun
Commercial Credit Adjusters· iqaluit, Nunavut, CanadaAssistant Bar Manager Req# 346
Nunastar Properties· Frobisher Inn, Iqaluit, Nunavut, CanadaFirst Nations/Métis/Inuit Candidates - Banking Centre Roles - Unaccredited (NWT)
Canadian Imperial Bank of Commerce· Iqaluit, NU, CanadaPost Office Assistant
Canada Post· Iqaluit, NU, CACleaner - Temporary
Northview Residential REIT· Iqaluit, Canada