Prentisiaeth Cynorthwyydd Cynhyrchu - Lefel 3 - BBC Studios - Drama wedi'i Sgriptio - Celf - Caerdyd

MATH O GONTRACT: Prentisiaeth Cyfnod Penodol, Llawn-amser am 13 mis ADRAN: Celf LLEOLIAD: Cardiff

• Roath Lock CYFLOG: £24,650 AI UN O BRENTISIAETHAU’R BBC YW’R SWYDD NESAF I CHI? Ymunwch â ni fel prentis yn y BBC i roi hwb i’ch gyrfa mewn swydd y byddwch wrth eich bodd â hi. Rydym ni wedi ymrwymo i’ch helpu chi i ddatblygu eich sgiliau a’ch talent. Byddwch yn dysgu yn y gwaith ac yn cael cyfle i ddatblygu eich gwybodaeth a’ch sgiliau mewn maes y mae gennych chi ddiddordeb mawr ynddo, a hynny wrth weithio tuag at eich cymhwyster prentisiaeth gydag un o’n darparwyr dysgu. PAM YMUNO ’R CYNLLUN? Dyma gyfle i chi lansio gyrfa yng nghanol y byd darlledu ym Mhrydain. Rydym ni'n chwilio am unigolion sy'n frwd dros ganfod sut rydym ni'n creu cynnwys ac yn dod â syniadau'n fyw. Yn dibynnu ar ardal eich lleoliad, gallech chi fod yn gweithio y tu ôl i'r llenni ar gynyrchiadau cyffrous, megis dramâu gafaelgar neu wefr radio byw, ac ennill cymhwyster cydnabyddedig wrth ddysgu yn y gwaith. Dyma gyfle i chi ehangu eich gwybodaeth am gynhyrchu wrth weithio ar gynnwys sy'n bwysig i filiynau. Eisiau gwybod mwy? Gwyliwch recordiadau o’n cyfres o weminarau ar ein rhestr chwarae YouTube Bywyd yn y BBC i ddysgu mwy am y cynllun hwn a’r cyfleoedd eraill rydym ni’n eu cynnig, ac i glywed gan ein prentisiaid presennol am eu profiadau nhw. Mae lleoedd ar y Brentisiaeth Cynorthwyydd Cynhyrchu ar gael ar draws amrywiaeth o dimau yn y lleoliad hwn, yn ogystal â lleoliadau eraill. Mae manylion lleoliadau gwaith eraill sydd ar gael yn y lleoliad hwn ar wefan Gyrfaoedd Cynnar y BBC. PAM YMUNO ’R TÎM? Wedi eich lleoli ym Mhorth y Rhath, Cymru, byddwch yn gweithio ar y gyfres ddrama, Pobol Y Cwm. Byddwch yn gweithio yn yr Adran Gelf, ac yn cael trosolwg o bob rhan o waith yr adran brysur ac amrywiol hon. Fel Prentis Cynorthwyydd Cynhyrchu yn y BBC, byddwch chi’n cael profiad ymarferol ar draws amrywiaeth o brosiectau – o gefnogi cynyrchiadau uchel eu proffil i gyfrannu at gynnwys y mae cynulleidfaoedd ledled y DU yn ei fwynhau. Byddwch chi’n gweithio ochr yn ochr â gweithwyr proffesiynol profiadol, yn datblygu sgiliau ymarferol ac yn chwarae rhan weithredol yn y gwaith o ddod â syniadau creadigol yn fyw. Gallai’r brentisiaeth hon arwain at gyfleoedd i weithio fel:
• Is-ymchwilydd
• Rhedwr
• Cynorthwyydd Cynnwys neu Olygu EICH PRIF GYFRIFOLDEBAU A’CH DYLANWAD Fel Prentis Cynorthwyydd Cynhyrchu gyda Chwaraeon Celf , mae hwn yn gyfle gwych i ddysgu, tyfu a chyfrannu. Fe allech chi fod yn: Helpu i ddatblygu syniadau a straeon drwy ymchwilio i gynnwys a dod o hyd i westeion a chyfranogwyr. Ennill profiad bywyd go iawn drwy gynorthwyo eich tîm ar leoliad, yn y stiwdio, neu mewn oriel deledu, a helpu ar lawr y stiwdio. Dysgu sut mae defnyddio offer technegol a meddalwedd arbenigol drwy gefnogi timau gyda chamerâu, sain, goleuadau a golygu. Creu cynnwys ar gyfer sawl llwyfan, gan gynnwys cyfryngau cymdeithasol, o dan arweiniad gweithwyr proffesiynol profiadol. Byddwch yn astudio ar gyfer eich cymhwyster prentisiaeth sy’n cael ei gydnabod gan y diwydiant, gan ddysgu yn y gwaith a’r tu allan i'r gwaith. Mae hyn yn golygu y byddwch chi, yn ogystal â dysgu ar eich lleoliad yn y BBC, yn mynychu blociau dysgu (hyd at wythnos ar y tro) gyda'n darparwr dysgu, gan weithio tuag at gymhwyster prentisiaeth a gydnabyddir gan y diwydiant – Lefel 3 y Cyfryngau Creadigol. Bydd y blociau dysgu yn gyfuniad o ddarpariaeth wyneb yn wyneb a rhithwir, gan gynnwys: Cyflwyniadau Gwaith grŵp Fel rhan o’r rhaglen, bydd gofyn i chi deithio i fynd i flociau dysgu wyneb yn wyneb a gweithgareddau eraill sy’n gysylltiedig â’r brentisiaeth lle bo angen. I gael rhagor o wybodaeth am safon y brentisiaeth y byddwch yn ei hastudio, darllenwch y manylion yn Fframwaith Lefel 3 Cyfryngau Creadigol. EICH SGILIAU A’CH CYMHWYSEDD Rydym ni eisiau gwybod pam eich bod chi’n awyddus i weithio yn y BBC, ac mae gennym ddiddordeb yn eich brwdfrydedd i ddarparu cynnwys o’r radd flaenaf a rhagoriaeth weithredol i’n cynulleidfaoedd. Eich potensial sy’n bwysig i ni, nid eich cymwysterau, a byddwn ni’n rhoi cyfle i chi roi eich profiad a’ch cryfderau trosglwyddadwy ar waith mewn gwahanol ffyrdd. Os oes gennych chi rai o’r sgiliau a’r profiadau hyn, ynghyd â chryfderau trosglwyddadwy, byddem yn falch o glywed gennych chi ac rydym yn eich annog i wneud cais: Rhywun sy’n angerddol a chwilfrydig am gynnwys, y broses gynhyrchu a’r BBC Rhywun sy’n llawn syniadau newydd a safbwyntiau ffres am gynnwys y BBC Rhywun sy’n aelod gwych o dîm ac yn gallu delio â heriau annisgwyl Rhywun sy’n hyblyg ac yn gallu addasu i’r gwaith er mwyn helpu i ddarparu ein cynnwys. Mae'r cynllun hwn wedi'i anelu at bobl heb raddio . Os oes gennych chi radd a bod gennych chi ddiddordeb mewn rolau tebyg yn y BBC, rydym yn argymell eich bod yn gwneud cais am swyddi ar wefan gyrfaoedd y BBC neu’n edrych ar ein cynlluniau prentisiaeth eraill. MEINI PRAWF CYMHWYSEDD Mae’n rhaid i chi fodloni’r gofynion canlynol i fod yn gymwys ar gyfer prentisiaeth yn y BBC: Bod yn 18 oed neu’n hŷn erbyn y bydd y brentisiaeth yn dechrau ym mis Medi 2027 Bod wedi byw yn y DU yn ddi-dor am y tair blynedd cyn dechrau’r brentisiaeth Bod yn gymwys yn gyfreithiol i weithio’n llawn-amser yn y Deyrnas Unedig am holl gyfnod y brentisiaeth Bod heb gofrestru ar gynllun prentisiaeth arall sy’n cael ei gefnogi gan y BBC neu sefydliad arall ar hyn o bryd I gwblhau'r brentisiaeth, rhaid i chi fod â TGAU Gradd 4/C neu uwch mewn Mathemateg a Saesneg, neu National 5 (Yr Alban) Gradd C, neu Sgiliau Gweithredol Lefel 2 neu gymhwyster cyfatebol. Os nad ydych chi wedi ennill y cymwysterau hyn erbyn dechrau eich prentisiaeth, bydd gofyn i chi gyflawni Sgiliau Swyddogaethol Lefel 2 cyn diwedd cyfnod asesu'r brentisiaeth pan fyddwch chi’n cwblhau eich asesiad terfynol. BAROD I YMGEISIO? Peidiwch â cholli'r cyfle i fod yn rhan o rywbeth cyffrous. Ydych chi'n eich gweld eich hun yn ffynnu yn y rôl hon? Cliciwch ‘Ymgeisio Nawr’! Bydd angen i chi greu proffil ymgeisydd ac ateb ambell gwestiwn – does dim angen CV na llythyr cais. Os ydych chi’n gymwys, byddwn ni’n eich tywys drwy’r camau nesaf gan roi syniad i chi o beth i’w ddisgwyl. Bydd angen i chi fyw o fewn pellter teithio i leoliad y swydd hon. Eisiau gweithio o leoliad gwahanol? Edrychwch ar ein hysbysebion eraill – ond cofiwch mai dim ond am un swydd y dylech wneud cais. Mae hon yn brentisiaeth am gyfnod penodol – bydd eich contract yn para hyd ddiwedd y cynllun. Ar ôl i chi gwblhau eich prentisiaeth, byddwch yn gallu gwneud cais am unrhyw swyddi gwag addas yn y BBC neu yn y sector creadigol ehangach. Byddwch yn cael cymorth gyda datblygiad gyrfa, hyfforddiant cyflogadwyedd, a chyfleoedd rhwydweithio i’ch helpu i gymryd y cam nesaf. Ar gyfer cyfleoedd prentisiaeth, bydd ymgeiswyr anabl sy’n dewis gwneud cais o dan y Cynllun Hyderus o ran Anabledd ac sy’n bodloni’r meini prawf sylfaenol ar gyfer y rôl yn symud ymlaen i gam nesaf y broses recriwtio fel arfer. Ar gyfer y rhan fwyaf o’n hymgyrchoedd, byddai hyn yn golygu asesiad ar-lein sydd wedi’i gynllunio i asesu eich sgiliau, eich cymhellion a’ch addasrwydd ar gyfer y swydd. Mae rhagor o fanylion ar gael yn yr adran Cwestiynau Cyffredin ar ein gwefan gyrfaoedd. PRA27